Жаңалықтар

Алматыдағы 450 иесіз электр желілері қала балансына беріледі

Алматы қаласының әкімі Бақытжан Сағынтаевтың тапсырмасы бойынша 2019 жылы 6 аудандағы иесіз электр желілерінің 170 нысаны қаланың коммуналдық меншігіне алынған еді, деп хабарлайды Baqmedia.kz
 
Бұл желілер қала әкімдігінің қаулысымен «Алатау Жарық Компаниясы» АҚ-на әрі қарай қызмет көрсету үшін тегін берілді.
 
Бүгінгі күні қаланың 7 ауданында иесіз инженерлік желілердің 450 нысаны анықталды (оның ТП — 146 дана, электр желілері — 253,6 шақырым, жылу желілері — 19,7 шақырым, су құбырларының желісі — 66,4 шақырым, кәріз желілері — 24,1 шақырым) иесіз инженерлік қаланың 7 ауданындағы желілер. Оларға қатысты одан әрі қызмет көрсету үшін қаланың коммуналдық меншігіне беру туралы соттың оң шешімі бар. 
 
Алматы қаласы әкімдігінің қаулысымен 129 электр желісі «Алатау Жарық Компаниясы» АҚ-ға тегін берілді.
 
Жалпы ұзындығы 50,7 шақырым болатын сумен жабдықтау желілерінің 77 нысаны мен ұзындығы 15,1 шақырым болатын 63 кәріз желілері нысандарын «Алматы Су» МКК-на тегін беру туралы Алматы қаласы әкімдігінің  қаулысы бар.
 
Жылумен жабдықтау желілерінің 49 нысанын да «Алматы жылу желілері» ЖШС-не тегін беру туралы Алматы қаласы әкімдігінің қаулысы дайын.
 
Қазіргі кезде қабылдау-тапсыру актілерін дайындау бойынша жұмыстар жүріп жатыр.

Басқа жаңалықтар

Back to top button
Close